ᒥᓂᔅᑕ ᐸᑎᖅ ᓂᑦᓱ
ᒥᓂᔅᑕ ᐱᕙᓪᓕᐊᓂᓕᕆᓂᕐᒧᑦ ᐃᖏᕐᕋᔪᓕᕆᓂᕐᒧᓪᓗ
ᐸᑎᖅ ᓇᑦᓱ ᓴᓪᓕᕐᒥ ᐃᓅᓚᐅᖅᓯᒪᔪᖅ, ᐃᓂᖃᖅᖢᓂ ᑕᓯᐅᔭᕐᔪᐊᑉ ᓯᒡᔭᖓᑕ ᐅᐊᖕᓇᖓᓂ. ᓯᕗᓪᓕᖅᐹᒥ ᓂᕈᐊᖅᑕᐅᓚᐅᖅᓯᒪᔪᖅ ᓄᓇᕗᒻᒥ ᒪᓕᒐᓕᐅᕐᕕᖕᒧᑦ ᓂᕈᐊᖅᑎᑦᑎᒃᑲᓐᓂᖅᑎᓪᓗᒋᑦ ᒪᓕᒐᓕᐅᖅᑎᒥᒃ ᐃᓇᖐᓂᐊᖅᑐᒥᒃ 2003-ᖑᑎᓪᓗᒍ ᓇᓄᓕᐅᑉ ᒪᓕᒐᓕᐅᕐᕕᒋᔭᖓᓂ, ᓂᕈᐊᖅᑕᐅᒃᑲᓐᓂᓚᐅᖅᐳᖅ ᐃᖅᑲᓇᐃᔭᖃᑎᒋᔭᕐᒥᓂᒃ ᕕᕝᕗᐊᕆ 2004-ᒥ ᓄᓇᕗᒻᒥ ᑕᒪᐃᓐᓄᑦ ᓂᕈᐊᖅᑎᓪᓗᒋᑦ.
ᒐᕙᒪᒃᑯᓐᓄᑦ ᐱᓕᕆᖃᑕᐅᓕᓚᐅᙱᑎᓪᓗᒍ, ᐸᑎᖅ ᐃᖅᑲᓇᐃᔭᕐᕕᖃᓚᐅᖅᐳᖅ ᐅᑭᐅᖅᑕᖅᑐᒥ ᑲᓇᑕᒥ ᐆᒻᒪᖅᑯᑎᓕᕆᔨᒃᑯᓐᓄᑦ ᐃᒻᒥᒃᑰᖅᑐᒥᒡᓗ ᓇᖕᒥᓂᖃᖅᖢᓂ ᓴᓪᓕᕐᒥ. ᑭᖑᓂᑦᑎᓐᓂ ᓂᕈᐊᖅᑕᐅᕝᕕᒋᓯᒪᖃᑦᑕᖅᑕᖏᑦ ᒪᑯᐊᖑᕗᑦ ᐃᒃᓯᕙᐅᑕᕆᔭᐅᓪᓗᓂ ᓴᓪᓕᕐᒥᐅᑦ ᐃᓕᓐᓂᐊᖅᑐᓕᕆᔨᒃᑯᖏᓐᓄᑦ ᑲᑎᒪᔨᐅᖃᑕᐅᓪᓗᓂᓗ ᑭᕙᓪᓕᕐᒥᐅᑦ ᐃᓕᓐᓂᐊᖅᑐᓕᕆᔨᒃᑯᖏᓐᓄᑦ.
ᐸᑎᖅ ᐅᖃᖅᑎᐅᑉ ᑐᖓᓕᕆᖃᑦᑕᖅᓯᒪᔭᖓ ᓄᓇᕗᒻᒥ ᒪᓕᒐᓕᐅᕐᕕᖕᒥ ᑲᑎᒪᔨᐅᖃᑕᐅᓚᐅᖅᓯᒪᓪᓗᓂᓗ ᐊᔭᐅᖅᑏᑦ ᐱᓕᕆᓯᒋᐊᖅᑎᖏᑕ ᑲᑎᒪᔨᕋᓛᖏᓐᓂᒃ ᐋᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᖅᑐᓕᕆᓂᕐᒧᓪᓗ.
ᒫᔾᔨ 8th , 2006-ᒥ ᐸᑎᖅ ᓂᕈᐊᖅᑕᐅᓚᐅᖅᐳᖅ ᒪᓕᒐᓕᐅᖅᑎᐅᖃᑎᖏᓐᓂᒃ ᐃᒃᓯᕚᖁᔭᐅᓪᓗᓂ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᓇᕗᒻᒥ. ᒫᔾᔨ 15, 2006-ᒥ ᑎᑯᐊᖅᑕᐅᓚᐅᖅᐳᖅ ᓯᕗᓕᐅᖅᑎ ᐹᓪ ᐅᑲᓕᕐᒧᑦ ᒥᓂᔅᑕᐅᓂᕐᒧᑦ ᐊᕙᑎᓕᕆᔨᒃᑯᓐᓄᑦ ᒥᓂᔅᑕᐅᓂᕐᒧᓪᓗ ᑲᒪᒋᔭᖃᕐᓂᕐᒧᑦ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ.
ᐸᑎᖅ ᐊᒡᓚᕝᕕᒻᒥᓃᑦᑐᓐᓃᕌᖓᑦ ᖁᕕᐊᒋᔭᖃᖅᑐᖅ ᓴᓇᕐᕈᑎᒋᔭᐅᕙᓚᐅᖅᑐᓂᒃ ᓴᓇᓂᕐᒥᒃ, ᐊᖑᓇᓱᖕᓂᕐᒥᒃ ᐃᖃᓪᓕᐊᕐᓂᕐᒥᒡᓗ.
ᐸᑎᖅ ᐊᒻᒪ ᓄᓕᐊᖓ ᒨᓇ ᐊᕐᕕᓂᓕᖕᓂᒃ ᕿᑐᕐᖓᖃᖅᑐᑦᑦ ᓴᓪᓕᕐᒥᓪᓗ ᓄᓇᖃᖅᖢᑎᒃ |
